Չեչնիայում ոստիկանության հատուկ գործողությունների ժամանակ երկու զինծառայող է սպանվել

Չեչնիայի Վեդենոյի շրջանում ոստիկանության կողմից ձեռնարկված հատուկ գործողությունների ժամանակ սպանվել են երկու զինծառայողներ, հինգ զինծառայող՝ վիրավորվել։ Պատասխան հարձակումից սպանվել են երկու գրոհայիններ։ Այս մասին հաղորդում է «Ինտերֆաքս»՝ վկայակոչելով իրավապահ մարմիններում իր աղբյուրներին։

Ավելի վաղ, Չեչնիայի նախագահ Ռամզան Կադիրովը հայտարարել էր, որ գրոհայինների խումբը, որը թաքնվում է Թազեն–Քալա գյուղի մերձակայքում բաղկացած է հինգից տաս անդամներից։ Ըստ նրա՝ ակտիվ գործողությունները սկսվել են հունվարի 8–ի վաղ առավոտյան առատ ձյան և մառախուղի պայմաններում։

Ըստ Life News–ի՝ անվտանգության ուժերի մի քանի աշխատակիցներ հայտնվել են ծուղակում՝ գրոհայինների զենքի պահեստարանները ստուգելու պահին։