Le Parisien. 8000 եվրո ամսական՝ Փարիզում բնակարան ունենալու համար

Ֆրանսիական Le Parisien պարբերականը հրապարակել է Ֆրանսիայում անշարժ գույքի ձեռք բերման վերաբերյալ անցկացվող տարեկան հետազոտության արդյունքները, որն իրականցնում է EMPRUNTIS.COM կայքը:

Մասնագետները հաշվարկել են, որ Փարիզում բնակարան ձեռք բերելու համար գնորդը պետք է վաստակի 8000 եվրո մեկ ամսվա ընթացքում: Ըստ վիճակագրության տվյլաների՝ առանց երեխաների ամուսնական զույգերի միայն 10%-ն այսպիսի գների պայմաններում կարող է իրեն թույլ տալ սեփական տուն ունենալ:

Իրավիճակը դժվար է հատկապես Փարիզում, որտեղ բնակարան գնելու համար բնակչին պետք է 198.828 եվրո անձնական հարստություն: Փորձագետները հաշվարկել են միջին եկամուտի չափը, որը պետք է ունենա քաղաքացին այդ գումարը կուտակելու համար: Փարիզում բնակարան գնելու համար միջին աշխատավարձը պետք է կազմի առնվազն 7980 եվրո: Հարկ է նշել, որ Փարիզում այդպիսի եկամուտ, մեղմ ասած, քիչ ֆրանսիացիներ ունեն: Ըստ հարկային ծառայության տվյալների՝ 2009 թվականի ընթացքում ընտանիքների կուտակած կապիտալը կազմել է 36.085 եվրո, այսինքն՝ 3.007 եվրո ամսական եկամուտ: