ՄԱԿ-ի գլխավոր քարտուղարը դիմել է Իրանին և Իսրայելին

Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշը կոչ է արել վերջ տալ Իրանի և Իսրայելի միջև «արյունալի պատասխան ցիկլին»: Նրա խոսքերը մեջբերում է ՌԻԱ Նովոստին։

«Եկել է ժամանակը վերջ տալու հատուցման արյունալի շրջանին։ Ժամանակն է կանգ առնել»,- ասել է Գուտերեշը՝ մեկնաբանելով Իսրայելի տարածքի վրա վերջին հարձակումները։

ՄԱԿ-ի գլխավոր քարտուղարի խոսքով՝ միջազգային հանրությունը պետք է միավորվի՝ կանխելու համար Մերձավոր Արևելքում հակամարտության սրումը։ Հակառակ դեպքում իրավիճակը «կործանարար հետևանքներ կունենա խաղաղ բնակչության համար», նշել է նա։

Նա հավելել է, որ տարածաշրջանում իրավիճակը կարգավորելու համար անհրաժեշտ է ճանաչել Պաղեստինի անկախությունն ու ինքնիշխանությունը։