Բրիտանացին փորձել է լազերով կուրացնել ինքնաթիռի օդաչուներին ու հայտնվել է բանտում (տեսանյութ)

Մեծ Բրիտանիայում տղամարդը փորձել է լազերով կուրացնել ինքնաթիռի օդաչուներին և հայտնվել բանտում։ Միջադեպի տեսագրությունը հրապարակել է Daily Mail տաբլոիդը։

2022 թվականի օգոստոսի 3-ին 53-ամյա Էնդրյու Ուիլսոնը լազեր է ուղղել դեպի ինքնաթիռը, որը թռչում էր Սոմերսեթ կոմսության Յովիլ քաղաքի վրայով։ Տղամարդն օգոստոսի 14-ին կատարել է իր երկրորդ փորձը՝ լազերն ուղղելով դեպի Airbus A320 ինքնաթիռի խցիկը, որում կար 200 ուղևոր:

Երկու դեպքերի արդյունքում օդաչուները կարողացել են ապահով վայրէջք կատարել, սակայն Ուիլսոնը կալանավորվել է։ Դատարանում լսումների ժամանակ օդաչուներից մեկն ասել է, որ լազերային հարձակումը տեղի է ունեցել թռիչքի «կրիտիկական փուլում»: Հստակեցվում է, որ բացի ուղեւորների անվտանգությունից, բրիտանացին վտանգել է նաև ավիաընկերության աշխատակիցների կարիերան, քանի որ լազերը կարող էր վնասել ցանցաթաղանթը և երկարաժամկետ տեսողության խանգարում առաջացնել։

2024 թվականի ապրիլի 11-ին դատարանը Վիլսոնին դատապարտել է չորս ամսվա ազատազրկման։