Վաշինգտոնն ու Բրյուսելը ցանկանում են տապալել Վրաստանի ներկայիս իշխանությանը․ Վոլոդին
Հրապարակումներ
Նրանք, ովքեր դեմ են օտարերկրյա գործակալների մասին օրենքի ընդունմանը, գործում են այլ երկրների շահերից ելնելով, Telegram-ի ալիքում գրել է ՌԴ Պետդումայի խոսնակ Վյաչեսլավ Վոլոդինը։
«Ցանկացած երկիր, եթե ցանկանում է դառնալ ինքնիշխան պետություն, որտեղ ժողովուրդն իրավունք ունի ինքնուրույն որոշել իր ապագան, պարտավոր է ընդունել օրենք օտարերկրյա գործակալների մասին, որի էությունը ներքին գործերին արտաքին միջամտության արգելումն է»,– ասվում է հրապարակման մեջ։
Վոլոդինը «հիստերիա» է անվանել «Օտարերկրյա ազդեցության թափանցիկության մասին» օրինագծի առաջին ընթերցմամբ ընդունման ֆոնին Վրաստանում շարունակվող բողոքի ակցիաները։
Նա ենթադրել է, որ այն, ինչ տեղի է ունենում Թբիլիսիում, կարող է վկայել այն մասին, որ Վաշինգտոնի և Բրյուսելի կողմից արդեն կան որոշումներ՝ տապալելու վրացական ներկայիս իշխանությանը, իսկ օրենքի ընդունումը կարող է տապալել այդ ծրագրերը։
Պետդումայի խոսնակը հիշեցրել է, որ չնայած ԱՄՆ-ի և ԵՄ-ի ճնշումներին, Հունգարիայում և Ղրղզստանում նման օրենքներ են ընդունվել, իսկ այժմ նմանատիպ նախաձեռնություն է քննարկվում Ֆրանսիայում։
Ամենադիտված 
Մնաս բարյավ. Րաֆֆի Հովհաննիսյան
