Էրդողանը կարող է թողնել իշխող կուսակցության ղեկավարի պաշտոնը
Ժամանց
Թուրքական ընդդիմադիր «Halk TV» հեռուստաալիքի եթերում հեռարձակվող «Իրականում» ծրագրի շրջանակներում հաղորդավար Քուրշադ Օղուզն անդրադարձել է իշխող «Արդարություն և զարգացում» կուսակցության (ԱԶԿ-AKP) կուլիսային խոսակցություններին, հաղորդում է Ermenihaber–ը:
Նա ասել է, որ առաջիկայում ԱԶԿ-ի առաջնորդ Ռեջեփ Թայիփ Էրդողանը կարող է լքել կուսակցության ղեկավարի պաշտոնը:
Օղուզը նշել է, որ իշխող կուսակցության ներսում մեծ անհանգստություն է տիրում, ինչպես նաև խոսվում է մոտ ժամանակներս կառավարության կազմում սպասվող մեծ փոփոխությունների մասին:
Հաղորդավարը, անդրադառնալով տարածվող մեկ այլ կուլիսային խոսակցության, հայտնել է, որ ոչ ոք չգիտի, թե Էրդողանն ինչ է պատրաստվում անել:
«Այս պահին կուսակցության ներսում բոլորը լարված են, նախագահ Էրդողանն իր անելիքների վերաբերյալ ոչ մեկի հետ չի խոսում: Զրուցում է միայն ընտանիքի մի քանի անդամի հետ:
Օրինակ Ռամազանի (սուրբ ամիս իսլամում) ժամանակ Էրդողանը սկսել էր օրուջը (ընթրիքին նախորդող աղոթք), ապա կիսատ թողել ու կրկին վերադարձել իր սենյակ»,- պատմել է հաղոդրավարը:
Ամենադիտված 
Մնաս բարյավ. Րաֆֆի Հովհաննիսյան
