Քորթնի Քարդաշյանը հայտնել է, որ խմում է իր կրծքի կաթը

Ամերիկացի հեռուստաաստղ Քորթնի Քարդաշյանը սոցիալական ցանցերում հայտնել է, որ խմում է իր կրծքի կաթը։ Բժիշկները կոչ են արել չհետևել աստղի օրինակին, քանի որ բուժման ոչ ստանդարտ մեթոդն անօգուտ է, իսկ որոշ դեպքերում նույնիսկ վտանգավոր, գրում է HuffPost-ը։

Instagram-ում 44-ամյա հայտնին խոստովանել է, որ փորձել է դեղորայքի փոխարեն կրծքի կաթ խմել։ «Ես հենց նոր մի բաժակ կրծքի կաթ խմեցի, քանի որ հիվանդացել եմ: Բարի գիշեր», - գրել է Քարդաշյանը։

Մանկական գաստրոէնտերոլոգ Արիկ Ալփերը մրսածության բուժման եւ կանխարգելման այս մեթոդն անվանել է անօգուտ, թեեւ հայտնի է ժողովրդական բժշկության մեջ։ «Կրծքի կաթը պարունակում է հակամարմիններ, որոնք օգնում են պայքարել վիրուսների դեմ, սակայն մեծահասակն ունի բավականաչափ սեփական իմունոգոլոբուլիններ և լրացուցիչ պետք չէ»,- ասել է բժիշկը։

Մանկաբարձ-գինեկոլոգ Քրիստին Գրևեսն ասել է, որ խորհուրդ չի տա խմել կրծքի կաթ, քանի որ դրա օգտակարության մասին համոզիչ ապացույցներ չկան։