Բարսելոնան ՉԼ-ում մեկ վիճակագրական ցուցանիշով սեփական հակառեկորդ է սահմանել

Կատալոնական «Բարսելոնան» Չեմպիոնների լիգայի 1/4 եզրափակչի պատասխան խաղում 1:4 հաշվով զիջել է ֆրանսիական ՊՍԺ-ին և դուրս է մնացել հետագա պայքարից:

Այս խաղում «Բարսելոնան» տիրել է գնդակին ժամանակի 33%-ին՝ փարիզցիների 67%-ի դիմաց, հայտնում է Opta-ն։ Աղբյուրի համաձայն՝ այս վիճակագրական ցուցանիշները հակառեկորդ են դարձել կատալոնական թիմի պատմության մեջ Չեմպիոնների լիգայում տվյալների հավաքագրման սկզբից ի վեր (2003/2004թթ. սեզոն):

Նշենք, որ այս ցուցանիշով «Բարսելոնայի» երկրորդ վատագույն արդյունքը գրանցվել էր մեկ շաբաթ առաջ ՊՍԺ-ի հետ առաջին խաղում՝ 41%։