Չեռնիգովում Ռուսաստանի հրթիռային հարվածից զոհերի թիվը հասել է 14-ի (լուսանկարներ)

Չեռնիգովում Ռուսաստանի հրթիռային հարվածից արդեն 14 զոհ կա։ Այս մասին ասել է  Չեռնիգովի քաղաքապետ Ալեքսանդր Լոմակոն, գրում են տելեգրամյան ալիքները։

Տուժել է 61 մարդ։ Վնաս է պատճառվել 16 բնակելի շենքի։

Բնակարաններում որոնողական աշխատանքներն ու փրկարարական աշխատանքները շարունակվում են։

Ինչպես հայտնել ենք, այսօր՝ ապրիլի 17-ին, ռուս զինվորականները երեք հրթիռներով հարձակվել են Չեռնիգովի վրա։ Ռուսաստանը հարվածել է քաղաքացիական և սոցիալական ենթակառուցվածքներին։