Այն, որ Ադրբեջանը նոր թեմաներ է բերում դաշտ, նշանակում է, որ այնքան էլ հակված չէ խաղաղության պայմանագիր ստորագրելու. Փաշինյան

Մենք որդեգրել ենք ռազմավարություն և պետք է հետևողականորեն գնանք այդ ռազմավարությամբ: Ինչ է ասում Ադրբեջանը, ինչ չի ասում, չեմ ասում՝ դա պետք է չլսենք, բայց մյուս կողմից՝ չի նշանակում, որ մենք Ադրբեջանի ամեն ասածից մեր ռազմավարությունը պետք է փոխենք: Այդ մասին Ազգային ժողով-Կառավարություն հարցուպատասխանի ժամանակ ասաց ՀՀ վարչապետ Նիկոլ Փաշինյանը՝ անդրադառնալով «Հայաստան» խմբակցության պատգամավոր Ագնեսա Խամոյանի այն դիտարկմանը, թե ՀՀ ԱԳՆ-ն հայտարարել է, որ Հայաստանը չի տեսնում Ադրբեջանի կողմից խաղաղության պայմանագրի համաձայնեցված մասը ստորագրելու քաղաքական կամք:

«Ո՛չ, մեր ռազմավարությունները պետք է չփոխվեն, և մենք հետևողականորեն պետք է առաջ տանենք խաղաղության օրակարգը և պետք է մեզնից կախվածն անենք, որպեսզի այդ խաղաղության պայմանագիրը ստորագրվի:

Բովանդակության մասին էլ ասել եմ. այս իրավիճակում հեծանիվ հորինելու կարիք չկա, և այն, որ Ադրբեջանը նոր թեմաներ է բերում դաշտ, դա նշանակում է, որ այնքան էլ հակված չէ խաղաղության պայմանագիր ստորագրելու, և մեր քաղաքական խնդիրն է փոխել ընդհանուր միջավայրը և մթնոլորտը, որպեսզի խաղաղության պայմանագրի ստորագրումը դառնա իրատեսական: Այսինքն՝ քանի դեռ տեղի չի ունեցել (խաղաղության պայմանագրի ստորագրումը- խմբ.), բոլորը կարող են ասել, որ դա անիրատեսական է:

Հիմա այդ բոլոր հայտարարությունների իմաստը, նպատակը ո՞րն է՝ մեզ շեղել մեր ռազմավարությունից: Մենք մեր ռազմավարությունից չենք շեղվելու՝ անկախ նրանից, թե այդ հայտարարությունները կհնչեն Հայաստանի ներսի՞ց, թե՞ Հայաստանից դուրս գտնվող ուժերի կողմից: Մենք այս ռազմավարությունն ենք իրականացնելու՝ միևնույն ժամանակ իրականացնելով բալանսավորման և բալանսավորված արտաքին քաղաքականություն և տարածաշրջանային քաղաքականություն, որը լրացուցիչ կոմպոնենտ է մեր անվտանգության ապահովման համար»,- ասաց նա:

Այս թեմայով Զախարովան արձագանքել է Ալիևի՝ «Արևմտյան Ադրբեջանի» վերաբերյալ հայտարարությանը Շուշիում Ադրբեջանը թանգարան է կառուցել, Ցեղասպանության ավերված հուշարձանի տարածքում՝ մզկիթ Զգուշացե՛ք, «Մուրադը կատաղել ա»․ MediaHub Սևբերետավորներն սկսել են կուտակվել կառավարության շենքի մոտ՝ հանրահավաքին ընդառաջ (տեսանյութ) Հիմա պարզ հարց եմ տալիս, ակնկալում եմ, որ պարզ կպատասխանեք․ Ագնեսա Խամոյանը՝ Փաշինյանին