Թեկուզ մի հոգի էլ լինի՝ շարունակելու եմ պայքարս. փողոցայինների, խուլիգանների ասածը բացարձակ կարևոր չէ. Բագրատ Սրբազան
Քաղաքական
Այս իշխանությունները Հայաստանում թշնամու ներկայացուցիչներ են: Այս մասին ելույթից առաջ լրագրողների հետ զրույցում ասաց Սրբազան պայքարի առաջնորդ Բագրատ սրբազանը:
«Բնականաբար, այն, ինչ արել են, հակասում է Սահամանադրությանը, Անկախության հռչակագիրը չեղարկելով՝ հանցանք են գործել Հայաստանի Հանրապետության նկատմաբ ու դրանք կանգնելու են դատարանի առաջ:
Անկախության հռչակագրին վերջ տալու ՍԴ որոշումը փաստում է, որ Սահմանադրական դատարանը գոյություն չունի, այն ծառայում է այս իշխանությանը:
Ալեն Սիմոնյանի ասածները մեկնաբանելու կարիք չունեմ, թող գնա իր ընտանիքով զբաղվի, թող դրանք Էրդողանին ու Ալիևին հաշիվ տան, իրենք գերի են դրանց և չափանիշը իրենց համար փողն է մնացել»,-ասաց Սրբազան հայրը:
«Շատ պատրաստ և շատ վճռական ենք տրամադրված և հանգեցնելու ենք իր տրամաբանական հաղթական ավարտին:
Թեկուզ մի հոգի էլ լինի շարունակելու եմ պայքարս, փողոցայինների, խուլիգանների ասածը բացարձակ կարևոր չի»,– նշեց նա:
Ինչ վերաբերում է «նեռ» բառից Փաշինյանի վիրավորվելուն՝ Սրբազան հայրը խորհուրդ է տվել նրան չվիրավորվել, փոխարենը՝ ընթերցել Հայտնության գրքի 2-րդ գլուխը և հայտնաբերել իրեն:
ՈՒՂԻՂ ԵԹԵՐ
Ամենադիտված 
Բացահայտվել է 1958-ին անհետացած հինգ հոգանոց ընտանիքի առեղծվածը
