Իշխանությունը խոստովանում է, որ COP29-ից հետո կարող է պատերազմ սկսվել․ Արթուր Խաչատրյան (տեսանյութ)
ՏեսանյութերԵրեկ կառավարություն-ԱԺ հարցուպատասխանից փորձում էինք հասկանալ այդ ինչ թուղթ է դրված սեղանին, որը Փաշինյանը փորձելու է ստորագրել։ Այս մասին այսօր՝ ԱԺ խմբակցությունների ճեպազրույցում ասաց «Հայաստան» խմբակցության պատգամավոր Արթուր Խաչատրյանը։
«Այն Փաշինյանը, որը երդվում էր՝ ժողովրդի թիկունքում ոչինչ չի անելու, ինքը դա հիմնավորում է կոռեկտությամբ։ Այսինքն մարդը ուզում է կոռեկտ լինել Ալիևի նկատմամբ, բայց կոռեկտ չէ սեփական ժողովրդի նկատմամբ։ Գուցե սեփական ժողովուրդը չի՛ ուզում այդ թուղթը։ Եթե ինքը պատրաստվում էր Ացախյան հակամարտության խաղաղության պայմանագիրը ժողովրդի համաձայնությունը ստանալուց հետո ստորագրեր, բա չէ՞ր մտածում, որ իր կառուցողական ընկեր Ալիևը կարող է այդ ժամանակ էլ նեղանար։ Ակնհայտ է, որ իշխանությունները շարունակում են «ինչ ուզում ենք, բանակցում ենք» քաղաքականաությունը, թղթի կտոր վրան գրված խաղաղություն, իսկ ի՞նչ են բանակցում»,- նշեց պատգամավորը։
Իշխանությունը խոստովանում է, որ COP29-ից հետո վաղը կարող է պատերազմ սկսվել, Ադրբեջանը ավելի է լկտիանում․ «Իրենք ասում են լեգիտիմ հիմք ենք ստեղծում, բայց իրենց լեգիտիմ հիմքը փաստորեն լեգիտիմ հիմք է տալիս Ադրբեջանին և վերջինս 2 նոր պահանջ է առաջադրում»,- ասաց Խաչատրյանը։
Ամենադիտված 
Մնաս բարյավ. Րաֆֆի Հովհաննիսյան
