Ծեծկռտուք քոլեջում. երկու ուսանողի մոտ դանակ է հայտնաբերվել

Հոկտեմբերի 2-ին՝ ժամը 14:42-ին, ՆԳՆ ոստիկանության օպերատիվ կառավարման կենտրոն զանգած քաղաքացին հայտնել է, որ Թբիլիսյան խճուղում գտնվող քոլեջում ծեծկռտուք է:

ՆԳՆ-ից տեղեկացնում են, որ նշված հասցե ոստիկանության Արաբկիրի բաժնից օպերատիվ խումբ և պարեկային ծառայողներ են մեկնել: Պարզվել է, որ քոլեջի մի խումբ ուսանողներ վիճաբանել և հարվածներ են հասցրել իրար:

Ոստիկանները սառը զենք կրելու հիմնավոր կասկածանքով ձերբակալել և ոստիկանության Արաբկիրի բաժին են տեղափոխել քոլեջի՝ 16 տարեկան երկու ուսանողի: Բաժին է ներկայացվել նաև ծեծկռտուքին մասնակցած ութ ուսանող:

Ձերբակալված երկու ուսանողի մոտ անձնական խուզարկությամբ դանակ է հայտնաբերվել:

Կազմված փաստաթղթերը փոխանցվել են քննչական բաժին:

Այս թեմայով Ծեծկռտուք՝ Երևանում հայտնի «Արամե մյուզիք հոլ» ակումբում․ Կան բերման ենթարկվածներ Այնթապում 15-16 հոգու միջև ծեծկռտուք է տեղի ունեցել, միմյանց հարվածել են դանակով, գարեջրի կոտրած շշերով Խմբակային ծեծկռտուք՝ Սևանա թերակղզու Արարատ լողափում. դանակահարել են մեկ հոգու. կա ձերբակալված Երևանում մեքենաներ են բախվել, հետո ծեծկռտուք է եղել Ծեծկռտուք՝ Աշտարակում. հանդիսության սրահի երաժիշտը վնասվածքներ է ստացել