Պետրոս Ղազարյանը երեկ ստում էր ուղիղ եթերում․ Արմեն Աշոտյան (տեսանյութ)

«Ամեն տեղ, որտեղ որ հասարակությունն ուզում է իր արդարացի պահանջը ձևակերպել, առաջանում են ոստիկանական շարքեր լինի բուհական համալսարան բուհական միջավայր, հեռուստաընկերություն, որը վաղուց հանրային չէ, փաշինյանական է։ Այո՛, գուցե մեր ժամանակ էլ լիարժեք անկախ չի եղել Հ1-ը, բայց այսօրվա պես խայտառակություն չի եղել։ Նիկոլ Փաշինյանը մեր ժամանակ չէր իջնում եթերներից՝ կլիներ դա զվարճալի, քաղաքական, իմիջային։ Նույնիսկ մեկ անգամ ես եմ նրան հրավիրել իմ հաղորդմանը»,- այս մասին այսօր դատարանի բակում լրատվամիջոցների հետ զրույցում ասաց ՀՀԿ փոխնախագահ Արմեն Աշոտյանը՝ անդրադառնալով երեկ Հ1-ի դիմաց մեծ քանակով ոստիկանական ուժերի կուտակմանը։

Ըստ Աշոտյանի, Պետրոս Ղազարյանը ստում էր ուղիղ եթերում՝ ասելով, որ ընդդիմադիր գործիչներին հրավիրում է հարցազրույցի, բայց չեն գալիս․ «2018-ի դեկտեմբերից հետո, երբ վերջին անգամ իր մոտ էի, դիմել եմ, որ ինձ հրավիրի եթերի, բայց չի հրավիրել։ Ես ամենավերջին մարդը չեմ քաղաքական դաշտում, որին չեն հրավիրել եթեր, լավ 15 ամիս կալանքի տակ էի, բա մնացած 3 ու կես տարի՞ն։ Հ1-ում կա սև ցուցակ և Սրբազանի դժգոհությունները մեղմ էին և իրավացի»,- ասաց ՀՀԿ փոխնախագահը։