Ադրբեջանը Միրզոյանին մեղադրել է «ապատեղեկատվություն տարածելու» մեջ
Արտաքին Քաղաքական
Ադրբեջանի ԱԳՆ խոսնակ Այխան Հաջիզադեն ՀՀ արտգործնախարար Արարատ Միրզոյանին մեղադրել է ապատեղեկատվություն տարածելու մեջ։
«Վարշավայի ֆորումում Հայաստանի արտգործնախարար Արարատ Միրզոյանի իրականացրած ապատեղեկատվությունը, քարոզչությունը և մանիպուլյացիաները հակաադրբեջանական տրամադրություններ սերմանելու նպատակ ունեն»,- հայտարարել է Հաջիզադեն։
«Միջազգային հանրությանը մոլորեցնելու փոխարեն՝ տեղին կլիներ, եթե նախարար Միրզոյանը բացատրեր, թե ինչու է այդքան լռում Հայաստանի ռազմական ագրեսիայի և Ադրբեջանի տարածքների շուրջ 30 տարի օկուպացիայի մասին: Չնայած իր միջազգային պարտավորությանը՝ ինչո՞ւ էր Հայաստանը հրաժարվել Ադրբեջանից դուրս բերել իր՝ ավելի քան 10 հազարանոց զինված ուժերը, քանի դեռ Ադրբեջանը չէր սկսել դա անել 2023 թվականին։ Այն, ինչ Հայաստանը փորձում է ներկայացնել՝ որպես հարձակում «խաղաղ» հայ բնակիչների վրա, իրականում հակաահաբեկչական միջոցառումներ էին՝ ՄԱԿ-ի կանոնադրությանը համահունչ՝ ինքնիշխան տարածքում ապօրինաբար տեղակայված հայկական զինված կազմավորումների զինաթափում», - X-ում գրել է Հաջիզադեն։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
