The Times. ԱՄՆ ավիակիրը մոտեցել է Սիրիայի ափերին. Վաշինգտոնը պատրաստ է ռազմական միջամտության
Համաշխարհային Մամուլ
«Դուայթ Դ. Էյզենհաուեր» ավիակիրը, որի վրա տեղակայված են կործանիչ-ռմբակոծիչներ և 8 հազար զինվոր, չորեքշաբթի օրը երեկոյան, չնայած փոթորկին, մոտեցել է Սիրիայի ափերին: Սա կարող է ազդանշան լինել առ այն, որ Միացյալ Նահանգները պատրաստվում է ներխուժել Սիրիայի տարածք:
Օբամայի վարչակազմը պաշտոնապես դեռ չի հայտարարել Սիրիա ռազմական միջամտության մեկնարկի մասին, սակայն Վաշինգտոնը պատրաստ է նման գործողությունների «առաջիկա մի քանի օրվա ընթացքում», եթե Սիրիայի նախագահ Բաշար Ալ Ասադը որոշի քիմիական զենք կիրառել ընդդիմության դեմ. գրում է The Times-ը:
Նշենք, որ «Դուայթ Դ. Էյզենհաուեր»-ը ԱՄՆ-ի 11 ռազմածովային ավիակիրներից մեկն է և կարող է տեղափոխել մի քանի հազար զինվոր: Այս պահին նա արդեն իսկ միացել է Սիրիայի ափերին գտնվող ուղղաթիռակրին, որի վրա տեղակայված է ծովային հետևակի 2,5 հազար զինվոր. գրում է DEBKAfile ռեսուրսը:
Եթե ԱՄՆ-ը որոշի միջամտել, այս նպատակով Վաշինգտոնն ամենայն հավանականությամբ կհատկացնի 10 հազար զինծառայող, 17 նավ, 70 կործանիչ-ռմբարկու: Որոշ նավեր հագեցած են նաև հակահրթիռային Aegis համակարգերով:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
