Ռուս կոմունիստները պահանջում են ստուգել Պուտինի աշխատանքի օրինականությունը

Ռուս կոմունիստները պահանջել են ստուգել նախընտրական քարոզարշավի ժամանակ ՌԴ վարչապետ Վլադիմիր Պուտինի գործունեության օրինականությունը։ Այս մասին հաղորդում է "Ինտերֆաքս"-ը։ ՌԴ պետդումայի 11 պատգամավոր համապատասխան դիմում է ներկայացրել ՌԴ գլխավոր դատախազ Յուր Չայկայի և ԿԸՀ ղկավար Վլադիմիր Չուռովին։

Ռուս կոմունիստների կարծիքով՝ Պուտինը, դառնալով ՌԴ նախագահի թեկնածու, օրենքի համաձայն, չի կարող իրականացնել պետական ծառայություն և պետք է դադարեցնի իր գործունեությունը վարչապետի պաշտոնում։ Իրենց այս պնդումը դիմումատուները հիմնավորել են մի շարք հղումներով՝ ՌԴ գործող օրենսդրությունից։

Հիշեցնենք, որ հունվարի 5-ին Վլադիմիր Չուռովը "Эху Москвы" ռադիոկայանի հետ զրույցում բացատրել էր, որ Պուտինը ոչ թե պետական ծառայություն է իրականացնում, այլ ուղղակի փոխարինում է պետական պաշտոնյային այդ պաշտոնում, ինչն էլ իրավունք է տալիս ՌԴ վարչապետին շարունակել իր լիազորությունների կատարումը նախընտրական քարոզարշավի ընթացքում։