Պուտինը չի մասնակցելու նախընտրական դեբատներին

Ռուսաստանի վարչապետ Վլադիմիր Պուտինը, ով պայքարում է Ռուսաստանի Դաշնության նախագահի պաշտոնի համար, հայտարարել է, որ չի պատրաստվում մասնակցել նախընտրական դեբատներին։ Այս մասին «Ինտերֆակս»–ին հաղորդել է վարչապետի մամլո քարտուղար Դմիտրի Պեսկովը։

«Վլադիմիր Պուտինի մասնակցությունը նախընտրական քարոզարշավի հեռուստադեբատներին՝ ըստ օրենքի չի թույլատրվում, քանի որ նա դեռ կառավարության ղեկավարի պաշտոնից չի հրաժարվել և մեկնել արձակուրդի, ինչի դեպքում միայն հնարավոր է, որ նա մասնակցի քննարկումներին», – ասել է Պեսկովը։ 

Սակայն վարչապետի մամլո քարտուղարը ավելացրել է, որ հեռուստադեբատներին մասնակցելու վերջնական որոշումը պետք է կայացնի Վլադիմիր Պուտինը։