Երևանում են ԻԻՀ Մեջլիսի պատվիրակները

ԱԺ Հայաստան-Իրան բարեկամական խմբի ղեկավար Նարեկ Բաբայանի հրավերով Երևանում էին ԻԻՀ Մեջլիսի պատվիրակները։ Այս մասին հայտնում են ԱԺ-ից։
 
«Հայաստանը մեծապես կարևորում է բարեկամ Իրանի հետ բազմադարյա պատմություն ունեցող կապերը և համապարփակ համագործակցության խորացումը․ ընդլայնված կազմով քննարկումը սկսվել է այս շեշտադրմամբ։
 
Կողմերը քննարկել են համագործակցության բազմոլորտ ուղղություններ, անդրադարձել տնտեսական համագործակցությանն ու առևտրաշրջանառության ծավալներին»,- նշված է հաղորդագրությունում։