Դո՞ւք ծառ եք ընտրում, թե հաստ պոչով «պոլի փայտ»․ Վարդանյան

Երևանի ավագանու անդամ, բժշկական գիտությւոնների թեկնածու, դոցենտ Քրիստինա Վարդանյանը գրում է.

«Հիմա էլի կասեն «չար ու նախանձ» ընդդիմություն։ Երեկ գնացի Մերգելյանի «բուլվար», կանաչապատումից 5% գիտելիք ունեցոշը սա պուրակ անվանելու հիմք չունի։ Հարգելի պատասխանատուներ, մասնագետներ, փորձագետներ, այս խայտառակ տնկանյութը ո՞ր երկրի թափոնից եք հայթայթել, էս ինչ սարսափելի սաղարթներ են՝ կառուցվածքից զուրկ, ձևավորման մեծ բացերով լի, «բզկրտված», «բրբեջ» ճյուղեր, որ անհասկանալի ուղղությամբ են աճում, այդ թվում իրար մեջ, հետն էլ բաձր ծառ լինելու հեռանկար չունենող շտամբեր։

Դո՞ւք ծառ եք ընտրում, թե հաստ պոչով «պոլի փայտ»։ Ու այս տնկանյութի համար քաղաքը միլիոննե՞ր է մուծում։ Կամ էլ եթե չի մուծում, հանդուրժում  և ընդունում եք բալանսի՞։ Մեկը կար, անհայտ ծագման նկարներ էր թափահարում Հ1-ում։ Կներեք, պրոֆիլային ԲՈՒՀ-ի դասախոսներ, Ագրարայինը ստանդարտային տնկանյութի մասով սա՞ է կրթում (կազմակերպության գլխավոր դենդրոլոգն ու փորձագետներն այդ կրթօջախն են ներկայացնում)։ «Աննախադեպ», «պատմության մեջ առաջին անգամ» և այլն…»։