Ժողովրդի ամբողջականության մեջ է երկրի հավասարակշռությունը..., եթե իհարկե կա․ Նազենի Հովհաննիսյան

Հավասարակշռություն. երբեք էլ չես կարող ասել, թե գտել ես, եթե ընդհանրապես այն կա:

Բայց հաստատ պիտի լԻՆԻ ՁԳՏՈւՄԸ...

Անհավասարակշիռ աշխարհում մեզ հավասարակշռում են մեր ողնաշարի հիմքում դեռ մանկուց դրած արժեքները. սովորույթները, ծնողական սերը, ընկերությունը, Հավատքը, պատմությունն ու անցյալը, այսօրվա երջանիկ պահերն ու վաղվա անելիքի հստակությունը, մեր մեղեդին ու պարի ոտքը, մեր կորուստն անգամ ու ձեռքբերումը...

Հավասարակշռությունը. նոր դարի հազվագյուտ երևույթն է, որը Մարդ ձեռք է բերում մեծ դժվարությամբ, եթե իհարկե գտնում է)))

ու, թե պահում է՝ ուրեմն արդե՜ն հաջողել է:

Իմ հավասրակշռությունն ամենից շատ գտնում եմ Ծովում, երբ ԵՐԿԻՆՔՆ ու ԵՐԿԻՆՔԸ միանում են ու ստեղծում Հորիզոն, որը կարող ես տեսնել աչքով, վայելել մտքով, ու հասնել՝ թերևս ԵՐԲԵՔ ))))

Հավասարակշռությունը ծովում, երբ ես էլ դառնում եմ ալիք... հազարավորների մեջ ու հազարների պես, ու դառնում նրանցից, նրանց հետ՝ մեկ, նույնը, նման, ամբողջ:

Հավասարակշռությունը. երբ ի վերջո դառնում ես ամբողջ...

Հ.Գ. Ժողովրդի ամբողջականության մեջ է երկրի հավասարակշռությունը..., եթե իհարկե կա, եթե...

...անցյալը ջնջելով հաստատ այն չես գտնի: Անգամ եթե այդ անցյալդ ցավեցնելու աստիճանի է... կմոլորվես ու կանկես( անկում կապրես):

Հ.Գ. Երեք նկար՝ նույն իրականության մեջ,

նույն վայրում՝ տարբեր հենման կետ,

նույն հողին՝ տարբեր կյանքեր...

ավազուտների մեջ՝ ավազի ծովեր,

ծովում՝ ծո՜վ ավազներ...

իսկ երկնքում անսահամանությունն ու աստղերը, որոնք մեզ ավազահատիկի պես փոքր են թվում, երբ «հատիկը» հենց մենք ենք, որ կանք)....

Պատմության տեսանկյունից բոլորս էլ ավազահատիկի չափ փոքր ենք, բայց կանք:

Իսկ անցյալի ուրացումը փոթորիկներ կբերի...

ու կմաքրի՝ ավազահատիկների պես ցաքուցրիվ անելով ուրացողին էլ, դա թույլ տվողին էլ, իբր չնկատելով ապրողին էլ... կյանքն ունի հստակ օրենքներ՝ առանց հայտարարագրման)

....Պետք է.

Հենման կետ.

Պատմություն.

Հավասարակշռություն

և

Ամբողջ:

Որ լինենք: