Times. Բրիտանիայում ուսանողական վիզա ստանալու համար արտասահմանցիները ստիպված կլինեն հարցազրույց անցնել

Մեծ Բրիտանիայի ներքին գործերի նախարար Թերեզա Մեյը հայտարարել է, որ 100 հազար արտասհմանցի ուսանող Բրիտանիայում սովորելու համար վիզաներ ստանալու համար այժմ ստիպված կլինի ոչ միայն ուղղակի ուղարկել փաստաթղթերը դեսպանատուն կամ բրիտանական վիզային կենտրոններ, այլև գալ դեսպանատան աշխատակիցների հետ հարցազրույցի, որոնք էլ կորոշեն՝ տրամադրել ցանկացողներին վիզա, թե՝ ոչ:

Համարվում է, որ ուսանողական վիզաների հետ կապված չարաշահումները մեծացնում են Բրիտանիա ներգաղթյալների հոսքը. գրում է Times-ը: Դա իր հետ բերում է բնակարանների գների աճ, աշխատավարձերի կրճատում և նպաստներ ստանալ ցանկացողների թվի մեծացում: Մեյի խոսքերով՝ բնակարանների մեկ երրորդը պահանջվում է ներգաղթյալների համար, ինչը նպաստում է անշարժ գույքի գների աճին, և եթե ներգաղթյալները չլինեին, տները բրիտանացիների համար կարժենային 10% ավելի ցածր: Ուսանողական վիզաներ ստանալ ցանկացողների հետ հարցազրույցները կանցկացվեն «բարձր ռիսկայնությամբ երկրներում»՝ Պակիստանում, Բանգլադեշում, Նիգերիայում, Չինաստանում և Հնդկաստանում: Նրանք, ովքեր Բրիտանիայում կպաշտպանեն դոկտորական, կկարողանան մնալ երկրում՝ աշխատանք գտնելու համար: Այժմ նման ուսանողներին աշխատանք գտնելու համար հատկացվում է 4 ամիս: