Տրանսգենդերային օպերա, «ԼԳԲՏ ակտիվիզմ»․ Սպիտակ տունը բացահայտել է USAID-ի որոշ ծախսերը

Սպիտակ տան մամուլի ծառայությունը տվյալներ է հրապարակել ԱՄՆ Միջազգային զարգացման գործակալության որոշ ծախսերի վերաբերյալ, հայտնում է NUR.KZ-ն։ Ֆինանսավորվող նախագծերի ցանկում կան օպերաներ և մյուզիքլներ։

Սպիտակ տան կայքը հրապարակել է ԱՄՆ Միջազգային զարգացման գործակալության (USAID) ծախսերի մի մասը: Զեկույցում ասվում է, որ գործակալությունը տասնամյակներ շարունակ «անհաշվետու է եղել հարկատուների առաջ» և «հսկայական գումարներ» է ծախսել «ծիծաղելի նախագծերի վրա՝ գործնականում առանց վերահսկողության»:

Մամուլի ծառայությունը հրապարակել է որոշ ծախսեր, որոնք Սպիտակ տունն անվանել է «շռայլության և չարաշահումների օրինակ»․

$70,000՝ Իռլանդիայում DEI (Բազմազանություն, հավասարություն և ներառականություն) մյուզիքլ կազմակերպելու համար,

2,5 միլիոն դոլար՝ Վիետնամի համար էլեկտրական մեքենաների նպատակով,

47,000 դոլար՝ Կոլումբիայում «տրանսգենդերային օպերայի», $32,000՝ Պերուում «տրանսգենդերային կոմիքսի» համար,

2 միլիոն դոլար՝ Գվատեմալայում սեռափոխության և «ԼԳԲՏ ակտիվիզմի» համար,

6 միլիոն դոլար Եգիպտոսում զբոսաշրջության ֆինանսավորման համար, հարյուր հազարավոր դոլարներ՝ ահաբեկչական կազմակերպությունների հետ կապեր ունեցող շահույթ չհետապնդող կազմակերպությանը, միլիոններ՝ EcoHealth Alliance-ին, որը մասնակցել է Ուհանի լաբորատոր հետազոտությանը,

100 հազարավոր կերակուրներ, որոնք ուղարկվել են Սիրիայում «Ալ-Քաիդայի» հետ կապված զինյալներին և այլն:

«Նախագահ Թրամփի օրոք վատնումները, խարդախությունները և չարաշահումները ավարտվել են», - ասվում է Սպիտակ տան հայտարարության մեջ: