Չինաստանը սահմանափակել է ամերիկյան տնտեսության համար կարևոր մետաղների արտահանումը

Չինաստանը սահմանափակել է ամերիկյան արդյունաբերության համար կարևոր և շատ տեխնոլոգիական ոլորտներում օգտագործվող մետաղների արտահանումը: Այս մասին հայտնում է Reuters-ը։

Փետրվարի 4-ին Չինաստանի իշխանությունները պատասխան մաքսատուրքեր են սահմանել ամերիկյան ապրանքների վրա և միաժամանակ սահմանափակել վոլֆրամի, թելուրի, բիսմուտի, մոլիբդենի և ինդիումի արտահանումը` դա բացատրելով որպես «ազգային անվտանգության և շահերի պաշտպանություն»։

Այս քայլը տեղի է ունեցել այն բանից հետո, երբ ԱՄՆ նախագահ Դոնալդ Թրամփի վարչակազմը 10% մաքսատուրքեր սահմանեց չինական ապրանքների վրա:

Ըստ Reuters-ի՝ Չինաստանին բաժին է ընկնում վոլֆրամի համաշխարհային արտադրության ավելի քան 80 տոկոսը, որն օգտագործվում է կիսահաղորդիչների, զրահաթափանց պատյանների և ճառագայթային պաշտպանության մեջ:

Բացի այդ, 2024 թվականին Չինաստանը արտադրել է աշխարհի թելուրիումի մոտ 75%-ը, որն օգտագործվում է չիպերի արտադրության, արևային մարտկոցների և մետաղագործության մեջ։ Միացյալ Նահանգները ներմուծում է թելուրիում պարունակող ապրանքների մեծ մասը։

Փետրվարի 1-ին Սպիտակ տան ղեկավարը գործադիր հրաման է ստորագրել Կանադայից, Չինաստանից և Մեքսիկայից ապրանքների մատակարարման համար մաքսատուրքեր սահմանելու մասին։

Փետրվարի 4-ին Չինաստանը հայտարարեց ամերիկյան արտադրանքի դեմ պատասխան միջոցների մասին։