Չեխիան և Ուկրաինան կընդլայնեն համագործակցությունը․ Ուկրաինայի ՊՆ նախարար
Աշխարհ
Չեխիան և Ուկրաինան ընդլայնելու են ռազմական համագործակցությունը և սկսելու են նոր համատեղ նախագծեր։ Այս մասին հայտարարել է Ուկրաինայի պաշտպանության նախարար Ռուստեմ Ումերովը Չեխիայի պաշտպանության նախարարության միջկառավարական պաշտպանական համագործակցության գործակալության պատվիրակության և չեխական սպառազինության ընկերությունների ներկայացուցիչների հետ բանակցություններից հետո, հայտնում է EADaily-ն։
Նրա խոսքով, նման նախագծերից է հրացանների արտադրությունը, որը ֆինանսավորվելու է «դանական մոդելի» համաձայն, ինչը ենթադրում է, որ օտարերկրյա գործընկերների ներդրումները թույլ կտան արտադրությունը տեղափոխել Ուկրաինայի տարածք։
Ումերովը նաև ասել է, որ ինքը քննարկել է Չեխիայից աջակցության արագացման և համագործակցության ընդլայնմանն ուղղված կոնկրետ քայլերը, ինչպիսիք են խոշոր տրամաչափի զինամթերքի արտադրությունն ու մատակարարումը, ռազմական տեխնոլոգիաների փոխանակումը և արդյունաբերական համագործակցության զարգացումը։
«Այդ զինատեսակների մի մասն արդեն արտադրվում է Չեխիայում, իսկ մյուս տեսակների համար քննարկվում է արտադրության տեղայնացումը Ուկրաինայում»,- ասել է ուկրաինացի նախարարը նոր համատեղ նախագծերի մասին՝ չմանրամասնելով։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
