Ռուսաստանի հաղթանակն անընդունելի է, բայց մենք պետք է զգույշ գործենք. Մերկել

Գերմանիայի նախկին կանցլեր Անգելա Մերկելը կոչ է արել թույլ չտալ Ռուսաստանին հաղթել Ուկրաինային, բայց, միևնույն ժամանակ, համերաշխություն է հայտնել Օլաֆ Շոլցի՝ գերմանական արտադրության Taurus հեռահար հրթիռները Կիևին չփոխանցելու որոշմանը։

Մերկելը խոստովանել է, որ Շոլցը «միանշանակ պատճառներ ունի» Ուկրաինային հեռահար հրթիռներ չմատակարարելու համար։

Միաժամանակ, նախկին կանցլերն անդրադարձել է ԱՄՆ նախկին նախագահ Ջո Բայդենի դիրքորոշմանը, ով իր գործողություններով ցույց է տվել, թե ինչ զենք կարելի է մատակարարել Ուկրաինայի զինված ուժերին, ինչը՝ ոչ։

Քաղաքական գործչի խոսքով՝ Եվրոպան պետք է մտածի, թե այլ կերպ ինչպես կարող է աջակցել Ուկրաինային, «որպեսզի նա մնա ինքնիշխան ժողովրդավարական պետություն»։

Մերկելը նաև կոչ է արել թույլ չտալ «Ռուսաստանին հաղթել հակամարտությունում», բայց, միևնույն ժամանակ, խորհուրդ է տվել «զգույշ գործել»։