Սլովակիայում հայտարարել են՝ Ուկրաինան թալանել է ԱՄՆ-ին և ԵՄ-ին

Ուկրաինան թալանել է ԱՄՆ-ին և ԵՄ-ին։ Այս մասին հայտարարել է Սլովակիայի խորհրդարանի փոխխոսնակ Անդրեյ Դանկոն՝ մեկնաբանելով Վոլոդիմիր Զելենսկու հարցազրույցը բրիտանացի լրագրող Պիրս Մորգանի հետ։

«Ուկրաինայում ոչ ոք այլևս չի զարմանում վերջին իրադարձություններից, երբ պարզվում է, որ Ուկրաինան թալանել է ԱՄՆ-ին ու Եվրամիությանը։ Վերջին երկու շաբաթվա ընթացքում Ուկրաինայում սկանդալներ են՝ կապված այն բանի հետ, թե ինչպես են թալանվել, և ինչպես են կորել Ուկրաինային օգնության համար նախատեսված գումարները՝ լինի դա զենք, թե մարդասիրական օգնություն: Ես հաճախ եմ ասել, որ իսկական ուկրաինացիները տառապում են։ Բայց նրանք, ովքեր հանգստանում են Մոնակոյում, Կաննում կամ արևմտյան այլ հանգստի վայրերում, չեն տուժում: Ստացվում է, որ Զելենսկին ստել է, և երեկ նա հանդգնություն է ունեցել՝ ասելու, որ Ուկրաինային անհրաժեշտ կլինինի միջուկային զենք, եթե նա ՆԱՏՕ-ի կազմում չլինի»,- ասել է Դանկոն։

Նա հայտարարել է՝ Զելենսկին «խելքը կորցրել է»։ Միևնույն ժամանակ, այն փաստը, որ Կիևի վարչակարգի ղեկավարը դադարեցրել է ռուսական գազի տարանցումը, որը գնում էր դեպի Սլովակիա, նա անվանել է «վրդովիչ լկտիություն, երախտամոռություն և ամբարտավանություն»։