ԱՄՆ-ը մտադիր է Իրանին հակազդելու հարցում՝ համակարգել ջանքերը Իսրայելի հետ

Պենտագոնի ղեկավար Փիթ Հեգսեթը և Իսրայելի վարչապետ Բենիամին Նեթանյահուն պայմանավորվել են համակարգել Իրանին հակազդելու ջանքերը: Այս մասին ասվում է ամերիկյան ռազմական գերատեսչության հաղորդագրության մեջ։Ինչպես նշվում է փաստաթղթում, Հեգսեթը և Նեթանյահուն «համաձայնել են, որ Իրանը շարունակում է սպառնալիք հանդիսանալ տարածաշրջանային անվտանգության համար և պայմանավորվել են համատեղ աշխատել այս խնդրի լուծման համար», գրում է Euromedia24-ը։

 

Հանդիպման ընթացքում Հեգսեթը նաև ընդգծել է, որ Միացյալ Նահանգները «100 տոկոսով հավատարիմ է մնում» Իսրայելի անվտանգությանը։

 

«Քարտուղարն ընդգծել է, որ վարչակազմը կաջակցի Իսրայելի ինքնապաշտպանության իրավունքին»,- ասվում է Պենտագոնի հայտարարության մեջ։Ավելի վաղ Axios պորտալը, վկայակոչելով աղբյուրներին, հայտնել էր, որ Նեթանյահուն ծրագրել է ԱՄՆ նախագահ Դոնալդ Թրամփի հետ բանակցությունների ընթացքում փորձել համոզել նրան Իսրայելի բանակին մատակարարել զենք, որը կարող է ոչնչացնել Իրանի միջուկային օբյեկտները։