Գազայի վերաբերյալ Թրամփի խոսքերը ճիշտ չեն ընկալվել․ Ռուբիո

Գազայի հատվածի վերաբերյալ ԱՄՆ նախագահ Դոնալդ Թրամփի հայտարարությունները պետք է ընդունվեն որպես Պաղեստինի անկլավի վերականգնման և նրա տարածքում չպայթած զինամթերքի մաքրման պատասխանատվություն ստանձնելու Վաշինգտոնի պատրաստակամության արտահայտությունը։ Այս մասին հայտարարել է պետքարտուղար Մարկո Ռուբիոն՝ ելույթ ունենալով Գվատեմալայում հանրապետության նախագահ Բեռնարդո Արևալոյի հետ համատեղ մամուլի ասուլիսում, փոխանցում է ՏԱՍՍ-ը։

«Այն, ինչ նախագահ Թրամփը հայտարարեց երեկ առաջարկ է, ԱՄՆ-ի պատրաստակամության արտահայտությունը պատասխանատվություն ստանձնելու այս տարածքի վերականգնման համար»,- պարզաբանել է պետքարտուղարը։ «Սա նախատեսված չէր որպես թշնամական քայլ, սա նախատեսված էր որպես շատ մեծահոգի քայլ»,- վստահեցրել է նա։

Նրա խոսքով՝ պաղեստինցիները «չեն կարողանա այնտեղ ապրել, քանի դեռ թիմերն աշխատում են փլատակների մաքրման և զինամթերքը հանելու ուղղությամբ։ Սա է նրա առաջարկի էությունը»,- վստահեցրել է պետքարտուղարը։

«Եթե առաջարկն ընդունվի, ապա մանրամասները պետք է մշակվեն բազմաթիվ գործընկեր երկրների միջև»,- ասել է Ռուբիոն։