Արտաքին օգնություն կտրամադրենք․ Ռուբիո
Աշխարհ
«Միացյալ Նահանգները կշարունակի արտաքին օգնություն տրամադրել՝ չնայած USAID-ի լուծարմանը։» Այս մասին հինգշաբթի օրը հայտարարել է ԱՄՆ պետքարտուղար Մարկո Ռուբիոն Դոմինիկյան Հանրապետության մայրաքաղաք Սանտո Դոմինգոյում կայացած մամուլի ասուլիսում, որտեղ նա գտնվել է այցով, գրում է ՏԱՍՍ-ը։
«Արտաքին օգնություն կտրամադրենք։ ԱՄՆ-ն արտաքին օգնություն կտրամադրի, բայց դա կլինի արտաքին օգնություն, որն իմաստ ունի և բխում է մեր ազգային շահերից»,- ասել է Ռուբիոն։
Մեկնաբանելով USAID-ի գործունեությունը դադարեցնելու որոշումը՝ Ռուբիոն ընդգծել է, որ ԱՄՆ նախագահ Դոնալդ Թրամփի վարչակազմը փորձել է «նշել ծրագրերը, որոնք աշխատում են և շարունակում են իրականացնել դրանք, ինչպես նաև բացահայտել այն ծրագրերը, որոնք չեն ծառայում Միացյալ Նահանգների ազգային շահերին և զբաղվել դրանցով»:
Նա բացատրել է, որ միջազգային աջակցության մի քանի ծրագրեր չեն ներառվի USAID-ի աշխատանքը կասեցնելու մասին հրամանում, և վարչակազմը «աշխատում է դրանք բացահայտելու ուղղությամբ»:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
