Կիևը քննարկում է ադրբեջանական գազի տարանցման հնարավորությունը Եվրամիություն

Ուկրաինան քննարկում է ադրբեջանական գազը Եվրամիություն տարանցելու հնարավորությունը։ Այս մասին հայտարարել է արտաքին գործերի նախարարության խոսնակ Գեորգի Տիխին։

Սակայն, ըստ նրա, Կիևը ցանկանում է համոզվել, որ ռուսական գազը Եվրոպա չի մատակարարվի ադրբեջանական գազի քողի տակ։

Հիշեցնենք, որ ճնշման տակ Կիևն արդեն իսկ թույլ է տվել ադրբեջանական գազի տարանցումը Ուկրաինայի տարածքով, սակայն Եվրոպայի համար լավագույն լուծումը կլինի ռուսական գազի տարանցման վերականգնումը։ Այս մասին տեղական ԶԼՄ-ներին հայտնել է Սլովակիայի վարչապետ Ռոբերտ Ֆիցոն, հաղորդում է TA3 հեռուստաալիքը։

Ինչպես հայտնում է EADaily-ն, Եվրահանձնաժողովը Հունգարիային խոստացել է Ուկրաինայից հետամուտ լինել ռուսական գազի տարանցման վերականգնմանը, որը Կիևը դադարեցրել էր հունվարի 1-ին։ Այս մասին Kossuth ռադիոկայանի առավոտյան հաղորդման ժամանակ հայտարարել է Հունգարիայի վարչապետ Վիկտոր Օրբանը։