ԿԺԴՀ-ն ոչ մեկի կողմից ճանաչման կարիք չունի․ ԿԿԼԳ

ԿԺԴՀ բանակի հետ սպասարկվող միջուկային զենքը նպատակ ունի զսպել թշնամական ուժերի ագրեսիվ գործողությունները և գործարքի առարկա չէ: Այս մասին ասվում է Կորեայի կենտրոնական լրատվական գործակալության (ԿԿԼԳ) մեկնաբանության մեջ։

«Մեր պետության միջուկային զինված ուժերը պետք է խափանեն ցանկացած ագրեսիվ թշնամական ուժեր, որոնք խախտում են երկրի ինքնիշխանությունը և ժողովրդի անվտանգությունը՝ սպառնալով տարածաշրջանում խաղաղությանը»,- ասվում է նյութում։

Այն նաև ընդգծում է, որ Փհենյանը «ոչ մեկի կողմից ճանաչման կարիք չունի» իր միջուկային զենքի առնչությամբ, որոնք «գործարքի առարկա չեն», որը ենթադրում է հրաժարվել դրանցից «գրոշների» դիմաց։

Մեկնաբանությունը չի անդրադառնում ԱՄՆ նոր նախագահ Դոնալդ Թրամփի քաղաքականությանը, այլ քննադատում է ՆԱՏՕ-ին և ԵՄ-ին, որոնք «անտեսելով իրականությունը՝ էքսցենտրիկ անհեթեթություններ են խոսում, ինչը ծիծաղ է առաջացնում»։