Չինաստանի ԱԳՆ-ն Պանամային նախաձեռնությունների պլան է ներկայացրել

Չինաստանի արտաքին գործերի նախարարի օգնական Չժաո Չժիյուանը լուրջ հայտարարություններ է արել Պանամային «Գոտի և ճանապարհ» նախաձեռնության (BRI) համատեղ իրականացման մասին փոխըմբռնման հուշագրի դադարեցման մտադրության վերաբերյալ: Այս մասին հայտնել է Չինաստանի արտաքին գործերի նախարարությունը։

Ինչպես նշվում է Չինաստանի արտաքին գործերի նախարարության կայքում, Չժաո Չժիուանը նշել է երկու երկրների միջև «պրագմատիկ համագործակցության դինամիկ զարգացման գործընթացում արգասաբեր արդյունքները»։ Նրա խոսքով՝ նախաձեռնությունից դուրս գալը «հակասում է Պանամայի ժողովրդի ակնկալիքներին» և չի համապատասխանում նրա առանցքային շահերին։

Նախարարի օգնականը նաև նշել է, որ Չինաստանը հարգում է Պանամայի ինքնիշխանությունն ու տարածքային ամբողջականությունը, կողմնակից է հավասար փոխգործակցության և փոխադարձ պարտավորությունների պահպանմանը։

«Չինաստանը կտրականապես դեմ է ԱՄՆ-ի գործողություններին, որոնք միտումնավոր ուղղված են ճնշումների և սպառնալիքների միջոցով չինական-պանամական հարաբերությունների ոչնչացմանը, ինչպես նաև «Գոտի և ճանապարհի» ձևավորման ոլորտում համագործակցության վարկաբեկմանը և խաթարմանը»,- ընդգծել է նա։