Քանյե Ուեսթի մուտքը Ռուսաստան կարգելվի

«Ռուսաստանի վետերաններ» հասարակական շարժումը դիմել է ՌԴ ԱԳՆ՝ պահանջելով արգելել Քանյե Ուեսթի մուտքը երկիր՝ Ադոլֆ Հիտլերի և նացիզմի մասին ռեփերի վերջին գրառումների պատճառով։ Այս մասին հայտնում է Life-ը՝ SHOT-ին հղումով։

Telegram ալիքի տվյալներով՝ կոչ են անում ամերիկացի ռեփերին Ռուսաստանում «պերսոնա նոն գրատա» հայտարարել։

Փետրվարի 7-ին Քանյե Ուեսթը ավելի քան 20 գրառում է կատարել X սոցիալական ցանցում նացիզմի, հրեաների և Իլոն Մասկի մասին։ Նա սեր է խոստովանել Ադոլֆ Հիտլերին, մեղադրել հրեաներին սևամորթներին ճնշելու մեջ, իսկ սպիտակամորթներին անվանել է «ռասիստներ»։

«Ռուսաստանի վետերաններ» շարժման ակտիվիստները հայտարարել են, որ Քանյե Ուեսթի խոստովանությունները խախտում են ՌԴ քրեական օրենսգրքի 354.1 հոդվածը՝ «Նացիզմի վերականգնում» վերտառությամբ։ Նրանք կարծում են, որ նման օտարերկրյա աստղերը «տեղ չունեն Ռուսաստանում»։