Կանադայի համար շահավետ կլինի դառնալ ԱՄՆ 51-րդ նահանգը․ Թրամփ

ԱՄՆ նախագահ Դոնալդ Թրամփը հայտարարել է, որ Կանադայի համար շահավետ կլինի ԱՄՆ-ին միանալ՝ որպես 51-րդ նահանգ, գրում է ՏԱՍՍ-ը։

«Կարծում եմ, որ Կանադայի համար շատ ավելի լավ կլիներ միանալ ԱՄՆ-ին՝ որպես 51-րդ նահանգ: Մենք տարեկան 200 միլիարդ դոլար ենք կորցնում Կանադայի համար, և ես թույլ չեմ տա, որ դա շարունակվի: Դա չափազանց շատ է: Ինչու՞ մենք պետք է ամեն տարի վճարենք 200 միլիարդ դոլար, ինչը, ըստ էության, սուբսիդիա է Կանադային: Եթե նրանք լինեին 51-րդ նահանգը, ես կասեի, որ դեմ չեմ դրան»,-ասել է Թրամփը:

Ավելի վաղ Թրամփի ազգային անվտանգության հարցերով խորհրդական Մայք Ուոլցը հայտարարել է, որ Թրամփը չի ծրագրում ներխուժել Կանադա։