Շոլցը սխալ է համարում Գերմանիայի կողմից Ուկրաինային զենքի մատակարարումը

Գերմանիայի կանցլեր Օլաֆ Շոլցը կարծում է, որ սխալ է իր երկրի կողմից Ուկրաինային զենք մատակարարելը, որը կարող է օգտագործվել Ռուսաստանի խորքերը հարվածելու համար: Այս մասին հայտնում է ՏԱՍՍ-ը։

«Կարծում եմ, որ սխալ է մեզ համար զենք մատակարարել, որն ունակ է մեծ կործանարար ուժով գործել դեպի Ռուսաստան: Կարծում եմ, որ դա հենց այն քայլն է, որը չի կարելի ձեռնարկել, եթե պատասխանատվություն եք կրում Գերմանիայի համար», - ասել է Շոլցը Քրիստոնեա-դեմոկրատական ​​և Քրիստոնեա-սոցիալական միություն դաշինքից Գերմանիայի կանցլերի թեկնածու Ֆրիդրիխ Մերցի հետ նախընտրական բանավեճի ժամանակ:

Ավելի վաղ Շոլցը մերժել էր Կիև Taurus թեւավոր հրթիռներ տեղափոխելու հնարավորությունը, որոնք ունեն մոտ 500 կմ հեռահարություն։ Գերմանիայի կառավարության ղեկավարը հայտարարել է, որ նման սպառազինության համակարգերի մատակարարումը կբերի էսկալացիայի լուրջ վտանգ։