Թրամփին չի հաջողվի օգուտ քաղել Ուկրաինայում հազվագյուտ մետաղներից․ փորձագետ

ԱՄՆ նախագահ Դոնալդ Թրամփը և ներդրողները դժվար թե Ուկրաինայում օգուտ քաղեն հազվագյուտ հողային մետաղներից։ Այս մասին RBC-ին ասել է ՌԴ ԳԱ թղթակից անդամ, ՌԴ ԳԱ աշխարհագրության ինստիտուտի գլխավոր գիտաշխատող Արկադի Տիշկովը։

Նրա հաշվարկներով՝ Ուկրաինան ունի բավականին շատ օգտակար հանածոներ՝ այնտեղ մշակվել են նավթի, գազի, ածխի, թերթաքարի, ուրանի, երկաթի և այլ հանքավայրեր։ Տիշկովը մանրամասնել է, որ ներկայումս գործում է վեց խոշոր հանքավայր։

Սակայն օգտակար հանածոների մշակումն ու արդյունահանումը բարդ խնդիրներ են, որոնք, ըստ փորձագետի, դժվար թե հետաքրքրեն ներդրողներին։

«Ես վստահ չեմ, որ ներկա իրավիճակում նոր ներդրողներին կհետաքրքրի այստեղ լիթիումի, տիտանի և հազվագյուտ հողային տարրերի արդյունահանման հեռանկարները։ Իսկ հները, ինչպես Պյոտր Պորոշենկոյի եվրոպական լիթիումային Ուկրաինան, վաղուց են բիզնեսի մեջ»,- ասել է Տիշկովը։

Փետրվարի 4-ին Միացյալ Նահանգների նախագահը հայտարարեց, որ պատրաստ է շարունակել աջակցել Ուկրաինային, եթե Կիևը Վաշինգտոնին տրամադրի հազվագյուտ հողային մետաղների հասանելիություն։ Նրա խոսքով՝ ուկրաինական կողմն արդեն հայտնել է նման համաձայնության իր պատրաստակամությունը։ Հարցը քննարկվում է Կիև ամերիկյան զենքի մատակարարումների կասեցման և դրան հաջորդած վերսկսման, ինչպես նաև ԱՄՆ նախագահի վարչակազմում օգնության չափի շուրջ տարաձայնությունների ֆոնին։