Եվրահանձնաժողովն անօրինական է անվանել ԱՄՆ-ի կողմից հնարավոր տուրքերի ներդրումը
Աշխարհ
Եվրամիությունից ապրանքների վրա ԱՄՆ մաքսատուրքերի սահմանումն անօրինական կլինի, ասվում է Եվրահանձնաժողովի (ԵՀ) հայտարարության մեջ։
«Մաքսատուրքերի ներդրումը կլինի անօրինական և տնտեսապես հակաարդյունավետ՝ հատկապես հաշվի առնելով այն խորը ինտեգրված արտադրական շղթաները, որոնք ԵՄ-ն և ԱՄՆ-ն ստեղծել են անդրատլանտյան առևտրի և ներդրումների միջոցով», - ասվում է ԵՀ-ի հայտարարության մեջ:
Գերատեսչությունում ընդգծել են, որ Եվրամիությունը կպաշտպանի իր շահերը։
Փետրվարի սկզբին ԱՄՆ նախագահ Դոնալդ Թրամփը հայտարարեց շատ մոտ ապագայում եվրոպական ապրանքների համար մաքսատուրքեր սահմանելու մասին՝ մեղադրելով Եվրամիությանը երկրի նկատմամբ անարդար առևտրային քաղաքականության մեջ։ ԱՄՆ նախագահը կարծում է, որ իր երկիրը «թալանվել է աշխարհի գրեթե բոլոր երկրների կողմից»։
Financial Times թերթը գրել է, որ Եվրամիությունը կարող է պատասխան միջոցներ ձեռնարկել ամերիկյան խոշոր տեխնոլոգիական ընկերությունների դեմ, եթե Թրամփը մաքսատուրքեր սահմանի միության երկրների համար։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
