ՌԴ նախագահ Վլադիմիր Պուտինն ընդունել է Չինաստանի նախագահ Սի Ծինփինի՝ սեպտեմբերին Չինաստան այցելելու հրավերը

Ռուսաստանի նախագահ Վլադիմիր Պուտինն ընդունել է Չինաստանի առաջնորդ Սի Ծինփինի հրավերը՝ սեպտեմբերին այցելելու Պեկին և մասնակցելու Երկրորդ համաշխարհային պատերազմի ավարտի տոնակատարությանը (Չինաստանն այս օրը նշում է իր Հաղթանակի օրը - խմբ․): «Այս այցի նախապատրաստական ​​աշխատանքները, ինչպես նաև մայիսի 9-ին Չինաստանի ղեկավարի՝ Մոսկվա ժամանելու համար շփումներ են ընթանում»,-ճեպազրույցում ասել է Պուտինի մամուլի քարտուղար Դմիտրի Պեսկովը։

«Նման շփումներ են նախապատրաստվում։ Մենք մեծապես կարևորում ենք այս ամսաթվերի խորհրդանշականությունը և՛ այդ կարևոր իրադարձությունների հիշողության, մեր երկրների ներդրման համար նացիստական ​​դրսևորումների դեմ պայքարում, և՛ մեր երկկողմ հարաբերությունների զարգացման համար»,- նշել է Կրեմլի ներկայացուցիչը։

Ավելի վաղ հաղորդվել է, որ Սի Ծինփինը ընդունել է Հայրենական մեծ պատերազմում հաղթանակի 80-ամյակի միջոցառումներին մասնակցելու հրավերը, որոնք տեղի կունենան մայիսի 9-ին՝ Մոսկվայում։ Ասիական հանրապետության ղեկավարն իր հերթին Ռուսաստանի նախագահ Վլադիմիր Պուտինին հրավիրել է՝ ներկա գտնվելու Պեկինում կայանալիք տոնակատարություններին։ Միջոցառումները նախատեսված են սեպտեմբերի սկզբին։