Մոսկվայի դատարանը ևս մեկ քրեական գործ է հարուցել իտալական ռեստորանի հայ սեփականատիրոջ դեմ

Ինչպես հաղորդում են ռուսական լրատվամիջոցները` Մոսկվայի դատարանը այսօր չի բավարարել Մոսկվայում գտնվող իտալական «II Pittore» ռեստորանի սեփականատիրոջ` ազգությամբ հայ Սուրեն Մկրտչյանի խափանման միջոցը։ Մեղադրյալը դատարանին էր դիմել իր խափանման միջոցը երկարաձգելու խնդրանքով՝ գործի հետ կապված անհրաժեշտ փաստաթղթերը հավաքելու համար։ 

Սուրեն Մկրտչյանի դեմ ռեստորանի պայթյունի փաստով քրեական գործ հարուցելուց բացի դատարանը ևս մեկ քրեական գործ է հարուցել նրա դեմ՝ «Անվտանգության բոլոր կանոնները խախտելու» ՌԴ քրեական օրենսգրքի 219 հոդվածի մասով։ 

Հունվարի 9–ին այդ ռեստորանում տեղի ունեցած գազի բալոնների պայթյունի հետևանքով ռեստորանում գտնվող մարդկանցից երեքը զոհվել էին և մոտ 40 մարդ ստացել էր տարբեր աստիճանի այրվածքներ։