Թուրքիայի կողմից ցեղասպանության պաշտոնական հերքումը ժամանակավոր բնույթ է կրում

Diplomatic curier ամերիկյան պարբերականն անդրադարձել է հայ-թուրքական հարաբերություններին, նշելով, որ երկու պետություններն էլ պետք է գնան համագործակցության, որպեսզի կարողանան կողք կողքի գոյատևել:

Տասնամյակներ շարունակ թուրքական կառավարությունը մերժում է հայերի ցեղասպանությունը, և Թուրքիայի ու Հայաստանի կառավարությունների փոխադարձ սխալները լարվածություն են առաջ բերել տարածաշրջանում: Մինչ Հայաստանի ու Թուրքիայի կառավարությունները մերժում են քննարկումներ անցկացնել տվյալ հարցի շուրջ, ուղղակի երկխոսությունները Հայաստանի և Թուրքիայի բնակչությունների, ինչպես նաև հայկական և թուրքական սփյուռքի միջև ռազմավարական խնդիր է: Չնայած փակ սահմաններին և հայ-թուրքական հարաբերությունների սառեցված լինելուն՝ այնուամենայնիվ, երկխոսություններն ու հարաբերությունների զարգացումը հնարավոր է համարվում:

Թուրքիայի կառավարությունը մշտապես մերժում է 20-րդ դարի սկզբին տեղի ունեցած հայերի ցեղասպանությունը և փորձում է պատմության այդ վակուումը լցնել «ալտերնատիվ պատմություններով»: Սակայն կառավարությունը չի կարող երկար ժամանակ իր հսկողությունը պահել լրատվամիջոցների վրա, քանի որ տեխնոլոգիաների արմատական զարգացումներ են տեղի ունենում, և փոփոխվում է թուրքերի կողմից իրենց պատմության ընկալումը: Այսպես՝ Թուրքիայի կողմից հանրային մտածելակերպում ցեղասպանության պաշտոնական հերքումը միայն ժամանակի հարց է:

Հայաստանը կարիք է զգում ցեղասպանության ճանաչման, որպեսզի ոչ միայն պետությունները կարողանան իրար կողք գոյատևել, այլև վերջ տալ երկու ժողովուրդների միջև մշտական լարվածությանը: Թուրքիայի կառավարությունը պետք է ճանաչի ժամանակակից և ժողովրդավարական զարգացումներն իր երկրում, որպեսզի կարողանա մուտք գործել նոր դարաշրջան, որտեղ համագործակցությունը կփոխարինի թշնամանքին: