The Daily Star. Հալեպում իշխում է սովը

Ամիսներ շարունակ ընթացող փողոցային մարտերի արդյունքում սիրիական Հալեպ քաղաքի բնակիչները դեմ առ դեմ կանգնել են սովի վտանգի առջև: Ձմռան վրա հասնելու հետ Սիրիայում առաջացել է սննդամթերքի և վառելիքի պակաս. գրում է լիբանանյան Daily Star-ը:

Հացագործական հաստատությունների մոտ հսկայական հերթեր են կուտակվում, իսկ երիտասարդները կտրում են քաղաքի ծառերը վառելիք ունենալու համար: Արդեն կան ամբողջովին հատված այգիներ:

Երբեմնի տնտեսական կենտրոն հանդիսացող Հալեպը հազիվհազ է գոյատևում:

Ուտելիքն ու վառելիքը շատ թանկ են: Իսկ պարբերաբար կազմակերպվող հարձակումների արդյունքում ընդհատվում է էլեկտրամատակարարումը: Ամբողջ երկրում կա նաև դեղամթերքի պակաս: