Արգենտինուհին ամուսնանում է իր երկվորյակ քրոջ մարդասպանի հետ

«Ուղղակի խոսքեր չկան բնութագրելքւ այն, ինչ պատրաստվում է անել Էդիթը: Դա սարսափելի դավաճանություն է»,-այսպես է մեկնաբանել երկվորյակ քույրերի մայր Մարսելինա Կասասն իր դստեր՝ քրոջը՝ Յոհանային սպանած տղամարդու հետ ամուսնանալու որոշումը:

Ինչպես գրում է The Daily Mail-ը, այս օրերին Արգենտինայում բուռն քննարկումների առարկա է դարձել նորությունն այն մասին, որ 22-ամյա Էդիթ Կասասը մտադիր է ամուսնանալ Վիկտոր Սինգոլանի հետ, ով դատապարտվել է 13 տարի ազատազրկման 2010 թվականին Էդիթի քրոջ՝ Յոհանայի սպանության համար: Աղջկա բոլոր բարեկամներն անխտիր դատապարտել են աղջկա որոշումը, սակայն իրեն՝ Էդիթին, այդ փաստը չի անհանգստացնում. «Ես խելագար չեմ և ամաչելու համար պատճառ չունեմ: Մենք սիրում ենք իրար, և Վիկտորը չի սպանել իմ քրոջը»,- վստահեցնում է Էդիթը, չնայած որ դատավճիռն արդեն կայացվել է: Սակայն Վիկտորի փաստաբանները պնդում են, որ իրենց պաշտպանյալն անմեղ է: Նրանք մտադիր են նոր դատական գործընթացի մասնակից դարձնել նաև Յոհանայի ընկերոջը՝ Մարկոս Դիազին, որին պատկանող ծխախոտը հայտնաբերվել է սպանության վայրում, ինչի վրա դատարանն ավելի վաղ ուշադրություն չէր դարձրել: