«Խոդորկովսկին Ռուսաստանի ապագա վարչապե՞տ»

Ռուս միլիարդատեր, Ռուսաստանի նախագահի թեկնածու՝ Միխայիլ Պրոխորովը հայտարարել է, որ նախագահ ընտրվելու դեպքում վարչապետի պաշտոնին տեսնում է «ՅՈՒԿՕՍ» ընկերության նախկին ղեկավար Միխայիլ Խոդորկովսկուն, ով այժմ ազատազրկման մեջ է գտնվում։

«Խոդորկովսկուն, անշուշտ կարելի է տեսնել ՌԴ կառավարության կազմում, մասնավորապես, ես նրան տեսնում եմ վարչապետի պաշտնում», - ասել է Պրոխորովը «Էխո Մոսկվի» ռադիոկայանին։

Գործարարը կրկին հայտարարել է, որ ՌԴ նախագահ ընտրվելու դեպքում ինքը Խոդորկովսկուն ներում կշնորհի։ 

Միխայիլ Պրոխորովը նախագահ ընտրվելու դեպքում ՌԴ վարչապետի հնարավոր թեկնածու է համարել ֆինանսների նախկին նախարար Ալեքսեյ Կուդրինին։ Բացի այդ, միլիարդատերը իր «ստեղծելիք կառավարության» կազմի մեջ է տեսնում «Արդար Ռուսաստան» կուսակցությունից պետդումայի պատգամավոր ընտրված Օկսանա Դմիտրիևային։