Պուտինը Ռուաստանի զարգացման վերաբերյալ հոդվածների շարք կգրի

Ռուսաստանի վարչապետ Վլադիմիր Պուտինը մտադիր է երկրի զարգացման վերաբերյալ իր տեսակետները ներկայացնել հոդվածաշարում՝ հայտնում է BBCRussian:

Այդ մասին նա հայտնել է երկրի ռուսական հեռուստառադիոընկերությունների և տպագիր ԶԼՄ–ների ղեկավարների և խմբագիրների հետ հանդիպման ընթացքում։ 

«Հույս ունեմ, որ դա ակտիվորեն կքննարկվի ԶԼՄ–ներում, որպեսզի քաղաքացիները հնարավորություն ունենան մանրամասն ծանոթանալ նրան, ինչ և՛ ձեր խոնարհ ծառան, և՛ այլ մարդիկ, որոնց հետ ես աշխատել եմ նախորդ տարիներին, և՛ նրանք, որոնց հետ ես պատրաստվում եմ համագործակցել հետագայում, ինչ-որ մենք ծրագրում ենք անել յուրաքանչյուր քաղաքացու համար կարևոր այս ոլորտներում», – նշել է վարչապետը։