Նյու Յորքում մեկնարկել է բացասական հիշողությունները ոչնչացնելու ակցիա. Die Welt

Նյու Յորքի բնակիչների և այնտեղ ժամանած զբոսաշրջիկներին իրենց բացասական հիշողություններից ձերբազատվելու բացառիկ հնարավորություն է ընդձեռvել սովորական թուղթ մանրացնող մեքենայի միջոցով (Shredder), որը տեղակայվել է նյու Յորքի կենտրոնական Թայմս Սքուեր հրապարակում. գրում է գերմանական պարբերականը:

Նոր տարվա շեմին յուրաքանչյուր ցանկացող կարող է մոտենալ նախորդ 2012-ի բացասական հիշողությունները փաստող ու վկայող մի որևէ փաստաթղթով և ոչնչացնել այն թուղթ խժռող մեքենայի միջոցով:

Մարդիկ հաճույքով հերթ են կանգնում այդ մեքենայի մոտ, որն առանց հոգնելու ոչնչացնում է նախկին սիրեցյալի լուսանկարները, մեքենան սխալ կայանելու համար դրված տուգանքները, տխուր լուրեր հայտնող թերթերը, մի խոսքով այն ամենը, ինչ մարդկանց մոտ բացասական հիշողություններ է թողել:

Բնակիչներից մեկն օրինակ թուղթ ոչնչացնող մեքենայի մոտ մանրացրեց Սենդի փոթորկի մասին իր ունեցած հիշողությունները, քանի որ նա փոթորկի հետևանքով զրկվել էր իր տնից: Մեկ ուրիշը՝ մի կին, ոչնչացրեց իր որդու՝ աշխատանքից ազատվելու մասին ստացած հրամանը: Նրա խոսքերով՝ դա անելուց հետո ինքն իրեն անհամեմատ թեթև է զգում:

Մեքենան խժռել է ամենատարբեր թղթիեր, որոնց վրա մարդիկ թողնում են բացասական որևէ բան, օրինակ՝ «ավելորդ կիլոգրամներ», «ցածր ինքնագնահատական», «ուսման վարկ», մի խոսքով, այն ամենը, ինչը թունավորել է նրանց կյանքն անցնող 2012թ. ընթացքում:

Հատկանշանական է, որ ցանկացողները կարող են նաև «ջարդել» իրենց վատ հիշողությունները, ինչի համար հատուկ մուրճ է դրվել թուղթ ոչնչացնող մեքենայի կողքին: