Պատրաստ է երկխոսություն սկսել ոչ համակարգային ընդդիմության հետ

Ռուսաստանի վարչապետ Վլադիմիր Պուտինը պատրաստ է երկխոսություն սկսել «Ընտրողների լիգայի» և ոչ համակարգային ընդդիմության հետ։ Նա այդ մասին ասել է ռուսական լրատվամիջոցների գլխավոր խմբագիրների հետ հանդիպման ժամանակ  :

«Մենք վերջերս հրավիրել էինք վերոնշյալ կոլեգաներին, բայց նրանք հրավերը մերժեցին։ Նրանք հայտարարում են, որ իրենք ցանկանում են երկխոսություն սկսել, բայց կառավարությունը չի լսում իրենց, սակայն նրանք չեն գալիս։ Այստեղ հարց է առաջանում նրանք ի՞նչ են ցանկանում։ Նրանք ուզում են ցույց տալ, որ չկա երկխոսություն, կամ նրանք չեն ուզում երկխոսել»։ - Պուտինը հռետորական պատասխան է տվել «Эхо Москвы» ռադիոկայանի գլխավոր խմբագիր Ալեքսեյ Վենեդիկտովի հարցին, թե արդյոք Պուտինը պատրաստ է երկխոսության ընդդիմության հետ։

«Ես չեմ թաքցնում իմ պատրաստակամությունը։ Մենք պատրաստ ենք եւ անձամբ ես պատրաստ եմ հանդիպել նրանց հետ, զրուցել. մենք նրանց հրավիրեցինք, սակայն նրանք ոչ մի անգամ մեր հրավերը չընդունեցին», - շարունակել է վարչապետը։

Անցյալ շաբաթ որոշ հրավիրված լրագրողներ ու հրապարակախոսներ, այդ թվում Դմիտրի Բիկովը և Բորիս Ակունինը չէին մասնակցել Ռուսաստանի կառավարության կողմից կազմակերպված ռուսական մամուլի օրվա մրցանակաբաշխությանը։

Հաղորդում է ИТАР-ТАСС լրատվական գործակալությունը։