Ժերար Դեպարդյեն չի ներկայացել դատարան իր գործի լսմանը

Վերջերս Ռուսաստանի քաղաքացիություն ստացած հայտնի դերասան Ժերար Դեպարդյեն հունվարի 8-ին՝ երեքշաբթի օրը, չի ներկայացել Փարիզի դատարան, որտեղ քննվում էր նրա գործը՝ հարբած վիճակում մեքենա վարելու մեղադրանքով:

Ֆրանսիական Le Monde թերթը գրում է, որ դատարանի դահլիճ ներկայանալու դեպքում Դեպարդյեի համար հնարավոր կլիներ թեթև պատիժ սահմանել, սակայն այժմ նրա բացակայության պատճառով Դեպարդյեի գործը փոխանցվել է քրեական դատարան:

Հիշեցնենք, որ այսօր Փարիզում կայացել է հայտնի դերասան Ժերար Դեպարդյեի նկատմամբ հարուցված դատական գործի լսումը: Վերջինիս մեղադրում են ոչ սթափ վիճակում մեքենա վարելու համար:

Նոյեմբերի վերջին Դեպարդյեն ՃՏՊ-ի մեջ նէր հայտնվել Փարիզում ոչ սթափ վիճակում ղեկին նստած լինելու պատճառով: Դրա արդյունքում նա ձերբակալվել էր ոստիկանների կողմից: Դեպարդյեն ընդունել է իր մեղքը: