Քրիստոնյաներին ամենից դաժան հալածում է Հյուսիսային Կորեան. Der Spiegel

Հյուսիսային Կորեան հայտնվել է տխրահռչակ վարկանշային աղյուսակի առաջատար դիրքում. գրում է գերմանական պարբերականը: Կիմ Չեն Ընի ռեժիմն աշխարհում քրիստոնյաներին հալածող ամենաուժեղ վարչակազմն է ճանաչվել: Քրիստոնյաները Հյուսիսային Կորեայում հայտնվում են աշխատանքային ճամբարներում կամ մահացու կտտանքների ենթարկվում:

Հյուսիսային Կորեայում պարզապես «Աստվածաշունչ» ունենալն արդեն մահապատժի վտանգ է պարունակում կամ կարող է հանգեցնել ողջ ընտանիքի աքսորմանը դեպի ուղղիչ աշխատանքային ճամբարներ:

Քրիստոնյաներն աշխարհում ամենաշատն այս երկրում են հալածանքների ենթակվում. այս մասին վկայում է 2013թ. հունվարի 8-ին Open Doors քրիստոնեական բարեգործական ընկերության հրապարակած զեկույցը: Երկրորդ տեղում է հայտնվել Սաուդյան Արաբիան, իսկ 3-րդը Աֆղանստանն է: Նրանց հաջորդում են Իրաքն ու Սոմալին:

Սրանով իսկ կոմունիստական այս երկիրը 11-րդ անգամ է հայտնվում քրիստոնյաներին հալածող պետությունների ցուցակի առաջատար դիրքերում:

Ներկայումս Հյուսիսային Կորեայի ուղղիչ աշխատանքային ճամբարներում տանջահար աշխատանքների են ենթարկվում 50-70 հազար քրիստոնյա:

Քրիստոնյաները Հյուսիսային Կորեայում վտանգավոր քաղաքական թշնամիներ են համարվում, քանի որ մերժում են երկրի նախկին առաջնորդ Կիմ Չեն Ընի և 2011թ. նրա մահից հետո նրան հաջորդած Կիմ Չեն Ընի աստվածակերպ պաշտամունքը:

Հյուսիսային Կորեայում բնակվում է 200-400 հազար քրիստոնյա, ովքեր, չնայած դաժան հետապնդումներին, ընդհատակյա դավանում են իրենց կրոնը: