Լեոնիդ Պարֆյոնովի նոր հատուկ նախագիծը՝ ՌԴ նախագահական ընտրություններին ընդառաջ

«Коммерсантъ-ТВ» հեռուստաալիքով կցուցադրվի նոր հատուկ նախագիծ՝ նվիրված ՌԴ նախագահական ընտրություններին։ «Ընտրություններ 2012. առաջին դեմքեր» վերնագրով հատուկ նախագիծը իրենից ներկայացնելու է հասարակական–քաղաքական գործիչների հետ հարցազրույցների շարք։

Առաջին եթերը կլինի այսօր՝ հունվարի 22-ին՝ ժամը 21.00–ին։ "Коммерсантъ-FM"-ի թվիթերյան էջում հայտնում են, որ առաջին հարցազրույցը հայտնի ընդդիմադիր գործիչ, նախկին նախարար Ալեքսեյ Կուդրինի հետ է։ Հետագայում նախատեսվում է, որ այս հատուկ նախագիծը եթեր է հեռարձակվելու ամեն օր՝ ոչ միայն "Коммерсантъ-ТВ"–ի, այլև "Коммерсантъ-FM" ռադիոկայանի եթերում, ինչպես նաև "Коммерсантъ"-ի ինտերնետային կայքում։

Հիշեցնենք, որ Լեոնիդ Պարֆյոնովը ՌԴ խորհրդարանական ընտրությունների հետ կապված 2011-ի դեկտեմբերյան հասարակական բողոքի ակցիաների լիդերներից է։ Պարֆյոնովը նաև վերոհիշյալ ակցիաների ընթացքում ձևավորված «Ընտրողների լիգա» հասարակական նախաձեռնության համակարգողներից մեկն է։